- http://blog.sina.com.tw/davide/article.php?pbgid=28994&entryid=572971
讲词由吕兴昌教授根据日治时期发行之原始78转唱片听写，如下：
「上」
地震曲盘作代先 就是台北汪思明
看着现场的风景 实在是真可怜
咱人万事就大概 讲到今年的大震灾
今日不知明日代 儿福是不知欲对多来
地动有损坏 新竹来隔界 田尾透月眉
大湖的管内 西潭厝也坏 头份透落来 竹南嘛损坏
苗栗厝也倒 铜锣三叉河 後龙透大甲 内埔屯仔脚
大安透后里 丰原透东势 清水梧栖止 沙鹿厝也斜
全有人压死 公馆较山边 厝倒煞无米 用车拖身屍
磅空落大石 溪底坏吊桥 实在真可惜 米菜袂得着
这番个大地动 压死赫多人 若闪离的是福气重
注死的走无空 地动摇三下 砖壁也必裂
厝倒一下压 目睭反白白 有的子佮父 压死几仔个
厝才起好势 有的死归家 棺材无地买 一具装四个
有影可怜代 看着你才知 人藏在彼厝内 厝是倒落来
无论好共坏 亲像咧活埋 人压在厝内 惦咧大声哀
真是可怜代 叫救无人来 叫救无人救 事实的理由
欲清欠脚手 生命伊干礁休 这番大地动 压死这多人
全庄归个叫苦痛 并步不相谈 欲掘欠脚手
即报告新竹州 组织人来救 身体是亦未收
梧栖救护队 来到皆掘开 救护一到位
身屍清归堆 想着是真有气 无步通解围
身屍扛归位 埋埋下作堆 欲清是无路
厝是倒到成平埔 死人嘛艰苦
身屍是若柴箍
「下」
南庄佮公馆 好得青年团 悲惨到这款 实在真悲观
有人压无死 脚瘸佮手折 血流喢喢滴 临时无先生
重伤发炎死 无药通好医 众庄大落难 地动一时间
受伤惦咧等 上惨是这层
铁路一下坏 赶紧袂得来 会创的匟到坏 扛扛排归排
早是定祸因 今变做地狱场 身屍成肉酱 压到溶溶溶
老母查某子 小弟佮大兄 有的压到若肉饼 全是凄惨声
有的压到袂振动 遍身全是孔 全埕叫苦痛 实在真惊人
南庄佮公馆 亲像鬼门关 悲惨到这款 好得青年团
州内紧不幸 外位调壮丁 厝倒诚侥幸 连警官都斗清
政府爱百姓 派人清身屍 有人压无死 临时设公医
台北赤十字 外科的先生 学校做病院 给人医无钱
锦西厝一下倒 实在有影无奈何 圳西一下倒厝 着伤逐位有
医生看护妇 ka咱医身躯退炎紧注射 药水赶紧食
无厝通好徛 稻草且睬(tshin3-tshai2，随便)遮
有钱嘛变散赤 无米通好食 暝时的惊撞壁 运搬袂到hia
苗栗郡役所 面前一个大草埔 人是倒无路 排排归草埔
临时的避难所 也无眠床舖 无厝就罔度 日暗全困涂
实在真艰苦 无火暗摸摸
圳西厝倒了 归遍齐齐齐(tsiau5) 家俬无了了 无食腹肚枵
富户变散赤 官厅派hong7食 实在真多谢 物件载归车
各位的团体 无论多少个 丰富来赈济 多少随人提
洋行抑会社 抑是个人额 物件有的载归只 一日十外车
六点零二分 号外的新闻 看着心会闷 劳动彼救济军
街头巷角kang7好嘴 说明震灾的吃亏(一般写作「克亏」，可怜之意)
第一凄惨是彼位 人是压死归大堆 无论散赤佮富户 你若同情看欲寄付几箍
说明震灾的艰苦 大家同情就相进步 义侠的人有咧想 路边下落同情箱
资产不是欲怎样 随意银票有的寄付四五张
义侠的人几十种 有的寄付几仔百几仔千
赈济亲像咱减用 咱人在世间着爱同情
有的寄付归十万 善心欲做无重难
无论富户抑贫散 若欲做好心就尽这层
中文关键字： 日治时期 , 震灾 , 汪思明 , 思明唱片
参考资料